حبل الموتزاريلا الممتد من العصافرة لنيويورك

قال لي سائق التاكسي الأصفر إنه متأثر بروبرت دي نيرو في فيلم “سائق التاكسي”. شخرت وعرفت من لهجته أنه مصري، فسألته “منين ياسطا؟” فلفّ رقبته تجاهي ببطء وابتسم قائلًا “العصافرة”، فغنّيت من فوري “سُق بنا ياسطا على الكورنيش” بينما أطّبل على تابلوه السيارة، فأكمل هو مطلع الأغنية، التي ألّفها أمير قاعود وغنّتها روح الفؤاد، حتى “دنجا دنجا”.

وبما أنه مقيم في التفاحة الكبيرة منذ عام 1989، سألته عن أفضل مطعم بيتزا تحسبًا للهانغوفر الصباحي، فبدت على تقاسيمه الجديّة وقال:

“بُص يا بوحميد، نويورك دي أحسن مدينة في العالم تاكل فيها بتزا. أنا لافف وعارف اللي بقولهولك كويس. اسمع منّي. ولو ان بتزا اليومين دول مش قد كده، لكنها لسّه أحسن بتزا في العالم. في التسعينات البتزا كانت مختلفة، تحسّ كده انك واقف عالبرج وانت بتاكلها، تختار ثيك كرَست أو ثين على كيفك، وكانت طبقتين شيز، طبقة سايحة وطبقة لأ، تقعد كده تمزمز وتاكلها تحس إنك بتاكل جبنة سايحة ومش سايحة في نفس الوقت، لما تشدها تمطّ معاك، تقعد تمطّ تمطّ لحد ما تضطر تعمل إيدك الشمال مقص عشان تقطع حبل الشيز الممتد. كنت اشتري اتنين بتزا، سلَيسين يعني، واقف اكلهم وانا مستني دوري عشان اعمل مكالمة دولي من التليفون أبو عملة. والنعمة سلَيسين كانوا يشبّعوني، ويا سلام لو معاها كولا ولا رويال كراون بأقل من دولار. شباب اليومين دول سيس، ولا مؤاخذة، بييججوا مالولايات والبلاد التانية عايزين حاجة طيّاري مع البيرة، فيقوموا جايبين بتزا. تسألني ليه البتزا هنا طِعمة كده؟ اسألني؟ (لم ينتظر سؤالي، وطرقع أصابعه وأكمل بلهجته السكندريّة) عشان الطليان جُم علموا النويوركرز أحسن طريقة لعمل البتزا، أحسن من أيُها ولاية أو بلد تانية. السيّاح بييجوا مالولايات التانية وكل العالم عشان ياكلوا البتزا هنا، ياكلوا التوبينجز والشيز، ومحدش عايز ياكل العيش. زمان محدش كان بيتعشى كده، البتزا كان ليها احترامها وتتاكل كلها، والكولا مكانتش Diet، والتاكسي مكانش Uber، والنيك مكانش Tinder.”

Advertisements
هذا المنشور نشر في PowerBlog. حفظ الرابط الثابت.

رُوُح

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s